Óscar Vilar Chento «VilarFao»
Benvido a miña web
A web de Oscar Vilar Chento «VilarFao», candidato á alcaldía de O Pino polo PSdeG-PSOE
Nacín en Touro, no ano 1974, son veciño de O Pino desde o ano 2006, e son o cabeza de cartel dos Socialistas de O Pino para as Municipais 2019
Defendo un programa electoral ambicioso, crible e viable, nunca prometer imposibles.
Neste momento, estou a traballar, xunto a executiva local, na candidatura e programa.
Apostamos por xente comprometida polo Pino, veciños/as independentes e sen ningunha necesidade de estar afiliado a ningún partido. Creo que para facer política local non é necesario ningún carné, tan só necesitamos xente que aposte por mudar as cousas, que aposte por uns mellores servizos públicos, que defenda o noso medio e as nosas fontes de riqueza ligados o sector forestal, agrogandeiro, comercio e, como non, o turístico relacionado ó Camiño de Santiago.
Traxectoria política e profesional
Son concelleiro do Grupo PSdeG-PSOE de O Pino desde o ano 2014, actual voceiro do Grupo e, tamén, Sº Xeral da Agrupación Socialista de O Pino.
De mozo estudei no IES de Arzúa a especialidade Técnico Especialista Administrativo (F.P. II), equivalencia actual: Técnico Superior en Administración e Finanzas.
Unha vez rematados os estudos secundarios, comecei no mundo laboral traballando na Rede de Transporte Sanitario Urxente (061), base de Arzúa. Nesta etapa, foi onde realmente coñecín toda a nosa comarca, os seus recunchos e, sobre todo, a súa xente.
Agora, e con máis de vinte anos de experiencia, a miña carreira profesional está ligada o sector da seguridade privada. Actividade, que actualmente compaxino con unha nova etapa de estudos na USC (Grao de Relacións Laborais e Recursos Humanos). Estudos, que estou a piques de rematar.
No meu tempo libre gústame practicar deporte. Fun un dos socios fundadores do Club Ciclista MontaeVai O Pino, e ata fai pouco o seu presidente.
Aposto pola comprensión e o diálogo
Tanto na política, como na vida, considero que hai que saber dialogar e comprender os problemas da xente, tratando de solucionalos coa vía do diálogo.
Cando temos, encima da mesa, un asunto/problema que afecta a toda a veciñanza non podemos, nin debemos permanecer impasibles, e a nosa obriga é actuar defendendo o noso, e a nosa xente.
Todo isto, non significa que non teñamos que respectar a opinión contraria, pero respectar non significa aceptar o que che contan. Cada un de nós, ten as súas ideas e iso nos enriquece como sociedade.
En definitiva, a mellor política é a que procura o consenso, así é como, eu, entendo a política, e así me comprometo a exercela se teño a túa confianza. Moitas Grazas!!!
